台南到台北_七日六夜之旅 24/05/2007 ~ 30/05/2007
Budget HK$8000
計劃
24/05 – 高雄
25/05 ~ 26/05 – 墾丁
27/05 ~ 28/05 – 台北
29/05 – 北投
第一天
十二點幾機, 一早就去到機場等
順個便搞埋個入台証
拎住張e-ticket 去問
個地勤同我地講
「拎住張 e-ticket 唔駛去換機票, 直接入去就得」
好, 咁就繼續搞入台証
先排隊排半個鐘
之後再等半個鐘
佢 hold 住本 passport, 搞到冇得check in
好啦, 等到有得拎入台証果陣
佢就話你呢樣錯果樣錯
前面果團八個有六個冇得拎
有對男女兩個都冇得拎
我地就有一個冇得拎
我真係想知填果幾欄野有無可能個個都錯
之後再去 check in
佢話已經close 左, 唔俾入
頂, 之後左打右打睇下點
好壞既打算係全部機 full 晒
有錢都冇得飛
好在最後港龍有班五點幾既機, 又俾我地轉
原來d 地勤只係要打個電話問d 大粒一聲
但係唔明點解佢地咁唔想打
一問就話唔得
去到高雄機場
有如死城一樣
想買張 sim 咭都冇, 超跨張
轉車去高雄火車站
搵埋自己住果間民宿
由於時間關係
只可以去到六合夜市
至於愛河果d就可能要 cancel
六合夜市有少少似女人街
不過係全野食版
買左少少野食之後就番去開餐
高雄果間民宿真係好正
千幾蚊台幣一晚 (唔駛三百港紙)
麻雀雖小, 五臟俱全
自己尤其鐘意閣樓式既睡房
第二天
一早起身就坐公車去西子河果邊
熱到媽媽都不認得
去到打狗英國領事館
好熱, 超多蚊
唔太值得去, 去左唔夠半個鐘就閃人
之後沿番條路出番去
個天靚到呢……………….
都唔知開唔開心好
因為真係好熱…………
最後熱到訂唔順
打的番去, 順個便買埋個飯番去民宿食
再出去火車站 join 埋其他團友進軍墾丁
坐左兩個鐘頭的士
又熱又谷, 終於去到墾丁
今次入住既係瑪雅之家
每間房都係一間獨立小木屋
浴室有按摩浴池
靠近山區同埋牧場區, 出入都唔太方便
但係老板娘幾好人
之後就踩單車出左去小灣
享受陽光與海灘
個海灘好靚, d 沙都好幼
但係近海邊就有好多大石
d 浪打埋黎加埋石頭, 好易撞瘀
但係再行深少少就冇乜石
可惜既係我唔識游水
所以浸下水就算
之後番去沖個身
換番件衫, 就出去行墾丁既夜市
墾丁既夜市其實同六合差唔多
但就多左其他野賣
食既玩既買既都有
而且比起六合仲要出, 仲要多野
去到搵野食, 有好多都係食泰國野
求求其其搵左一間食就算
食完行完之後就番歸啦
當中有一檔野係賣皮具
好正好正, 我係其他地方都未見過
尤其係皮面筆記, 牛皮要成千三蚊台幣
豬皮既就九百蚊台幣
好想買, 但最後都冇買
因為對我黎講唔太實用
第三日
一早老板娘就拎個早餐過黎
有多士, 蛋, 飲料, 生果, 食完下午都唔駛食飯
之後就坐車, 去圍住成個墾丁玩一日
上午去左墾丁公園, 鵝鸞鼻, 睇石頭, 去台灣最南端
雖然唔係到到都好玩, 但係到到都好靚
租車去玩係最佳既選擇
下午去左飄沙
坐吉普車係個沙漠到橫衝正撞
之後繼續遊景點
正如大家所見, 到到都見到海
當大家開始悶同想抖抖果陣
個司機就帶左我地去關山睇日落
去到關山, 邊等邊飲野
突然間主角-蜥蜴出左黎
之後就好多相機圍住佢, 佢仲要擺晒 pose 咁
睇完日落, 我地就番去休息
去左成日個個都累到不似人形
好早就休息
第四天
一早起身, 又坐差不多兩個鐘頭去左營坐高鐵去台北
高鐵好快, 好定, 仲好舒服
相比之下, 西鐵, 地鐵, 香港乜鐵都比唔上
去到台北, 就真係好似番左香港咁
周圍都聽到廣東話
好多熟悉既鋪頭
今次住既係o係西門町既大順大飯店
住兩日, 個地點好方便, 又近捷運同夜市
非常方便
之後就去搵野食, 去左好出名既泰豐鼎到食小籠包
我自己就麻麻地, 唔係話唔好食, 但又唔係好食到咁跨張
反而自己對個紅燒牛肉麵就真係念念不忘
好好食, 但係好貴, 差不多港紙六十蚊一碗
但真係好….好………好………..食
之後去附近行下
搵到間買賣二手野既鋪頭
可惜趕時間, 唔係一定有斬鋪
之後坐的士去微風廣場睇黑松博物館
睇完就坐捷運去度小月到食「擔擔麵」
還不錯, 但係隔壁幾枱都係香港人
感覺有d 搞笑
坐捷運去台北站睇台灣故事館
去到至知原來係 last day
俾左幾二百五台幣入場, 剩係現金卷都抵番晒
入面好多野睇, 好正
D 禮品都好得意
夜晚去左士林夜市
好感就真係無乜
但係棺材板, 薯仔片果d 就真係要試一試
第五日
手信日, 一早就先去誠品打個圈
之後就出發去淡水
自己覺得冇乜野睇
可能係目標太明確
所以只係打左個圈就番歸
同團既朋友今晚就坐機番香港
而我地就留多兩日
終於可以結束好趕既行程
(個人比較鐘意悠閒咁旅遊)
番到酒店放低晒d 手信
就去左書店街, 價錢唔係真係咁平
值唔值得去就見人見智
最後去西門町夜市買宵夜
第六日
訓左一覺好既
食埋個早餐
先 check out, 放低左d 行李就去紅樓同埋西門町到買下野
紅樓其實冇乜野睇, 三個字就睇完
買埋野就拎番d行李, 出發去北投
今次住既係好出名既春天酒店
因為有番咁上下歷史
門面比較普通
但係基本上都係ok (咁多晚最貴既一晚)
間房係對住個市景, 房內設有湯屋
美中不足既係唔知點解有度門係通住隔離房
雖然鎖左, 但係仲係好應聲
感覺好唔好
放低晒d 野就諗住周圍行下同埋食野
點知果到原來好多鋪頭下午都休息
要四點後至開門
上面幾張相係地熱谷
必去, 好靚
至於其他博物館果d就ok 啦
果到大部份都係五點就閉門大吉
要去就唔好遲
行到去新北投果邊, 終於有野食啦
去左間頂呱呱既快餐店
果到d 野都ok
最鍾意果到有個叫做口袋薄餅既野
包入面既野真係薄餅黎
我覺人覺得好得
之後行番去酒店休息一陣
就落去食滿來拉麵
估唔到間鋪頭仔d 野食都幾好食
最鐘意果個溫泉豆腐
好滑
食完番去浸個溫泉就訓
第七日
一早起身食左個早餐
休息一陣就浸多次
之後check out 去番台北
去左良品食紅燒牛肉麵 (刀削麵)
都ok, 但係有d 油膩
食完就落sogo果到搵locker
放低晒d行李就行下, 買下手信咁
去左書局街同埋博物館
再去買金格長崎既蜂蜜蛋糕
之後就坐捷運去到桃園
坐機番香港